مكونات نظام ERP

مكونات نظام ERP واهميتة:

اليوم اغلب الشركات والمنشات الكبيرة وحتى المتوسطة صارت تعتمد على انظمة ال ERP . والشركات اللى
تبغى تكبر وتنجح لازم يكون عندها نظام يساعدها تتابع كل تفاصيل شغلها بدقة.
هنا يجى دور نظام ERP او تخطيط موارد المنشاة . وهو عبارة عن نظام متكامل يربط كل الاقسام مع بعض فى
منصة واحدة عشان كل المعلومات توصل بالوقت الصح وباقل مجهود.

ومن مكونات نظام ال ERP :

1- الوحدة المالية (النظام المحاسبى):
الوحدة المالية تعتبر اهم جزء فى نظام ال ERP لان بدون متابعة مالية دقيقة ما تقدر تعرف وين رايح
شغلك .
وهذه الوحدة ما تقتصر بس على تسجيل الفواتير او المصاريف بل تعطيك صورة متكاملة عن الوضع المالى
للشركة لحظة بلحظة.
حيث انها:
تسجيل كل حركة مالية تلقائيا: اى عملية بيع او شراء او تحويل بنكى او حتى مصروف بسيط ينضاف تلقائى فى
النظام . ما تحتاج ترجع تدخل بدوى او تنتظر نهاية الشهر عشان تراجع الحسابات.
متابعة الايرادات والمصروفات بدقة : تقدر تعرف كم دخل شركتك اليوم كم صرفت ووش الفرق بينهم . وهذا
يخليك تراقب التدفق النقدى باستمرار وتتفادى اى ازمة مالية مفاجئة .
ادارة الحسابات البنكية والديون : النظام يربط لك كل الحسابات البنكية ويعطيك تفاصيل عن المستحقات اللى لك
عند العملاء او اللى عليك للموردين عشان تعرف التزاماتك وقدرتك على الدفع بوضوح.
التقارير والتحليل المالى : اقدر تطلع ميزانيات وتقارير جاهزة بضغطة زر وتوضح لك ارباحك وخسايرك
ومؤشرات الاداء المالى .
الربط مع باقى الوحدات : اى تحديث يحصل فى المبيعات او المخزون ينعكس فورا على الوحدة المالية يعنى
بياناتك دايم دقيقة ومحدثة بدون تداخل او تاخير.

والميزة الكبيرة ان الوحدة المالية فى ERP تختصر وقت وجهد هائل وتقلل من الاخطاء البشرية . بدال ما تعتمد
على جداول متفرقة او بيانات منقولة يدوى كل شئ يصير تلقائى وبنفس اللحظة . هذا يخلى الادارة تاخذ قرارات
مالية بثقة وبناء على بياناتحقيقية مو تخمينات.
ادارة الموارد البشرية:
وحدة الموارد البشرية فى نظام ال ERP مو بس مكان تحفظ فيه اسماء موظفينك ورواتبهم هى اداة متكاملة
تساعدك تدير شؤون الموظفين بطريقة ذكية وتوفر وقت وجهد للادارة .
حيث ان :

كل بيانات الموظفين فى مكان واحد : من اول ما يوظف الموظف كل بياناته محفوظة بالنظام من عقده وشهاداته
ورقم هويته لين تاريخه لين تاريخه الوظيفى وتقييماته ما عاد تحتاج تدور فى ملفات ورقية او جداول متفرقة .
حساب الرواتب والاجازات اوتوماتيك: الوحدة تحسب الرواتب اليا حسب الحضور والانصراف وساعات العمل
الاضافية وتخصم التاخيرات او الغيابات بشكل دقيق . برضو تسجل الاجازات وتوافق عليها اليكترونيا.
متابعة الاداء وتطويره: الوحدة تعطيك تقارير اداء واضحة تعرف مين الموظفين المميزيناللى يستحقون ترقية او
مكافاة . ومين يحتاج تدريب او دعم اضافى .
الربط مع باقى الاقسام : اى اجازة او تغيير بالرواتب ينعكس على الوحدة المالية . واى موظف جديد ينضاف
بالنظام بشكل مباشر فى باقى الاقسام اللى تخصه وهذا يسهل التكامل ويقلل التكرار.

التحكم الذكى فى التوريد والتوزيع:

وهى تعنى ببساطة كل الخطوات اللى تمر فيها بضاعتك من يوم تطلبها من المورد لين توصل ليد العميل . والنظام
هنا يسوى لك كل شئ بطريقة مرتبة وسلسة.
حيث انها تعطيك تنبيهات اذا المخزون قرب يخلص .
وتنظم مشترياتك من الموردين وتتابع تسليم الطلبات فى وقتها.
وترتب لك الشحن والتوزيع بحيث توصل بضاعتك باسرع وقت وباقل تكاليف.

ادارة علاقات العملاء:

فى عالم البيزنس اليوم العميل هو الاساس ووحدة CRM الموجودة داخل ERP تخليك اقرب لعملائك :
حيث انها تحفظ كل بيانات العملاء وش اشتروا وش قالوا عن منتجك.
لو عندهم مشكلة تتابعها وتحلها بسرعة .
تقدر تسوى حملات تسويقية موجهه تزيد مبيعاتك بشكل ذكى.
والنتيجة هنا رضا العميل يزيد و ولاءه لشركتك يقوى ومبيعاتك تكبر.

ادارة الانتاج والتصنيع:

لو عندك خطوط انتاج او ورش تصنيع فالوحدة هذى هى قلب العملية:
تخطط الانتاج بناء على الطلب الفعلى فى السوق بدل ما تنتج كميات عشوائية.
تراقب جودة المنتج فى كل مرحلة ولو صار خطأ او خلل تعرفه فى وقته.
تدير صيانة الالات والمعدات بشكل دورى عشان تتفادى توقف خط الانتاج فجاة.

والوحده هذى ترفع جودة المنتج وتقلل التكاليف لانها امنع الخساير اللى تجى من توقف العمل او انتاج غير
مطابق.

التقارير والتحليلات :

اكتر شي يفرق بين الشركات الناجحة وغيرهل هو اتخاذ قرارات صح . وحده التقارير فى ال ERP تطلع تقارير
مفصلة عن كل قسم من اقسام الشركة.
وتعطيك مؤشرات اداء تساعدك تعرف وين المشكلة وتصلحها قبل تكبر.
خلنا نساعدك

مميزات وعيوب نظام ERP :
مميزات النظام:

يجمع شغلك كله بمكان واحد ويخلى اقسامك تمشى على خط واحد.
يوفر وقت وجهد ويقلل الاخطاء اللى تكلفك كثير لان البيانات تتحدث تلقائى وما تحتاج تدخل نفس المعلومة باكثر
من مكان.
يعطيك تقارير مباشرة ولحظية تساعدك تعرف وضعك المالى والمخزون والمبيعات فى ثوانى.
يقلل الاخطاء: لان كل شي مرتبط ببعضة ومترابط اليا وما عاد فيه تضارب بيانات او اخطاء ادخال يدوى.
يرفع كفاءة الموظفين : حيث ان الموظف يشتغل اسرع واسهل لان كل شي قجاهز وواضح قدامه.
يرضى عملاءك لان الطلبات توصل اسرع وباحترافية.

عيوب النظام:

شراء النظام بالبداية وتركيبه ممكن يكون غالى خاصة للشركات الصغيرة.
احيانا تركيب النظام ياخذ وقت قبل يشتغل بكفاءة كاملة.
بعض الموظفين ممكن يقاومون التغيير بالبداية لانهم متعودين على طرقهم القديمة.
النظام يحتاج متابعة وتحديث بين فترة وفترة عشان يظل شغال باعلى جودة.
لا تفوت الفرصة ! تواصل معنا اليوم وخلك الاقوى بالسوق
باختصار ال ERP مو بس برنامج هو صار ضرورى لكل منشاة تبغى تكبر وتنافس والشركات اللى تعتمد علية
اليوم بكرة بتكون متصدرة السوق.